28 ديسمبر 11 جوجل هو محرك البحث الاساسى لفايرفوكس لمدة 3 سنوات قادمة

عرفنا مؤخراً انتهاء عقد جوجل ومؤسسة موزيلا والذى كان يقتضى وجود جوجل كمحرك بحث افتراضى واساسى لمتصفح موزيلا الشهير فايرفوكس وظلت الاخبار غامضة لفترة من الوقت وقيل ان التنافس كان بين ياهو وجوجل ومايكروسوفت وحاول كل منهم ان يظفر بتلك الصفقة ، فى البداية ظن البعض ان جوجل ستتخلى عن موزيلا لصالح متصفحها كروم ولكن جوجل خيبت ظن ياهو ومايكروسوفت وحصلت على الصفقة من جديد وتم تجديد العقد بين جوجل وموزيلا لمدة 3 سنوات قادمة ، حاول البعض معرفة شروط وقيود العقد لكن بنوده كلها سرية ولم يتعرف عليها ولكن وفقاً لبعض المحللين ان جوجل ساعدت موزيلا فى تحقيق 123 مليون دولار ارباح العام السابق ، واكيد احد المتحدثين الرسميين بأسم جوجل ان موزيلا شريك قوى وان جوجل تتطلع ان تستمر تلك الشراكة دائما

28 ديسمبر 11 جو دادى تتراجع عن قانون SOPA بعد خسائر كبيرة

تراجعت شركة جو دادى GoDaddy عن دعمها لقانون SOPA بعد ان خسرت الكثير من مستخدميها ، يرجع الامر فى البداية الى ان قامت شركة حجز النطاقات الشهيرة باعلان دعمها لقانون SOPA وهو الذى يمكن الشركات من حجب المواقع بحجة انتهاك حقوق الملكية الفكرية وتسبب ذلك فى قيام عشرات الآلاف من مستخدمين خدمات الشركة بالانتقال لخدمات الشركات المنافسة هروباً من ذلك القيد القاسى على اغلب المواقع الالكترونية الذى لا تعترف بوجود شئ يسمى حقوق ملكية فكرية ، تراجعت الشركة مؤخراً عن دعمها للقانون ولكن ذلك لم يمنع المستخدمين من التوقف عن الانتقال لخدمات المنافسين

28 ديسمبر 11 جوجل+ يصل الى 60 مليون مستخدم

مازال هنا الكثير من الاسئلة المطروحة حول مستقبل شبكة جوجل الاجتماعية “جوجل+” ورغم ذلك مازالت الشبكة الاجتماعية الجديدة تجتذب المستخدمين من كافة دول العالم للانضمام لها بصورة كبيرة لم يصل اليها اى منافس او حتى لأى من خدمات جوجل السابقة.

اخر الاحصائيات الغير رسمية كانت بعد عطلات اعياد الميلاد وصل العدد حوالى 62 مليون مستخدم ويتوقع وصوله الى 65 مليون مستخدم بنهاية العام وبالطبع هذا عدد ضخم بالنسبة لخدمة اطلقت منذ نصف عام فقط . وعلق “بول الين” Paul Allen وهو الذى اعلن عن تلك الاحصائية ان شبكة جوجل+ الاجتماعية تسير بشكل سريع فى جذب وكسب مستخدمين جدد.

واضاف الين انه بالرغم من انه وقت اعياد وعطلات ورغم وجود اخبار اخرى تسيطر على الساحة الاخبارية للتقنية مثل صدور “اندرويد 4″ الا ان اعداد المستخدمين الجدد لم تتأثر ولم تتراجع بل استمرت فى زيادة ملحوظة ، وكان الين هو وفريقه يتابعون عدد المستخدمين منذ اطلاق الموقع الى الان بطريقة معينة خاصة بهم تعتمد على عدد الاسماء المستعارة التى تم تسجيلها.
ويتوقع ان يصل عدد المستخدمين الى 100 مليون مستخدم فى نهاية شهر فبراير القادم والى 200 مليون فى بداية اغسطس اما فى نهاية العام القادم 2012 سيصل العدد الى 300 مليون مستخدم ولكن يظل السؤال هل فعلا سيستمر المستخدمين بالتمسك بالشبكة الجديدة ام مجرد الفضول هو من يدفعهم للانضمام؟؟ يبدو اننا يجب ان ننتظر الايام لتخبرنا بذلك

26 أبريل 11 الشهداء الخمسة

اولاً النوت دى للمتفائلين فقط ياريت لو حضرتك متشاؤم تكتفى بالقراء او اللايك او حتى حذف التاج اذا كان معمولك تاج .. ليس اقصاء لرائيك فانا احترم رائيك جداً ولكن كما احترم رائيك اتمنى ان تحترم طلبى دة

=============================================

فجاءة وبدون اى مقدمات لقيت شخص ملتحى داخل عليا وقبل ان اهلع او اركض ظناً منى ان السلفيين قرروا الانتقام منى … لقراءة باقى النوت برجاء الضغط هنا او على الصورة بالاعلى

15 أبريل 11 موسيقى مسلسل لحظات حرجة

من اجمل المقاطع الموسيقية التى سمعتها

موسيقى مسلسل لحظات حرجة

13 أبريل 11 مازال البشر بشر

مازال البشر بشر … مازالوا يكرهون بعض

وانا مازلت كما انا ابحث عن ذلك المكان الذى لا يوجد به كره مكان به محبة بين افراده

كل ما ادخل مكان اول ما اتعمق فيه الاقى الناس بتكره بعض وفيه خلافات بينهم وبين بعض

دة بيتكلم على فلان وعلى الموقف اياه اللى عمله وفلان بيتكلم على دة والغلطة اللى ارتكبها

عموما يعنى اكيد انا بشر وبكون زيهم بس هحاول مكونش كدة

انا مازلت باحث عن الكمال

مراد ادوار

07 أبريل 11 ناس من الماضى

حد عمره جرب الاحساس دة ان يكون فيه حد تعرفه وحصل بينكم خلاف كبير وصلتكم ببعض اتقطعت لكن قبل كدة عمركم ما كنتوا وحشين ابدا مع بعض

ويمر الوقت والشهور وسنة وتلاقيه بيكلمك ووبيسال عليك وبيتطمن عليك وبعد نص ساعة سلامات تكتشف انه بيتصل عشان حاجة لمصلحته هو وعايز مساعدتك فيها

ويمر وقت مش قصير ويتصل تانى وبردو نص ساعة سلامات وبردو يطلع عايز مصلحته هو

وتفوت الشهوووووووور ويحصل كوارث فى مدينتك وتتوقع انه يتصل يسال عليك على الاقل يمكن تكون مت فى الكوارث دى او ليك حد تعرفه حصله حاجة حتى لو مش قلقان عليك اهو عشان منظره يكون حلو قدامك لما يتصل تانى ويكون عايز حاجة ولكنه ميتصلش

وتفوت شهوووووور كمان ويتصل بيك تانى بس المرة دى يقولك انا اسف انا زمان غلطت فى حقك وانا عارف ان من حقك تزعل الخ الخ وانت زى العبيط كنت قربت تصدق وتانى يوم يكلمك عشان مصلحته وحاجات هو عايزها

حاجات زى دى بتخليك تفقد الثقة فى الناس عموما يعنى حد زى دة كان قريب اوى منى اوى اوى اوى كمان وفجاءة بقى كدة طب على الاقل يحترم اللى حصل ويحاول يفضل بعييد

بس ما علينا اكيد دى حالات فردية وقلة مندسة بين البشر ههههههههههههههههههه ويتبعون اجندات فضائية من اجل غزو الارض

03 أبريل 11 انضممت لحزب الجبهة الديموقراطية

كنت سابقا اريد الانضمام لحزب ليبرالى نشط وله شعبية وله اعمال فى الساحة ولكن كل هذا كان صعب مع النظام السابق

بالاضافة ان الاحزاب مكنش ليها اى دور ولا عمل فى الفترة اللى فاتت كبيرة بسبب ضغوط النظام وقتل كل من يحاول الوصول للشارع طبعا القتل معنويا وفعليا ايضاً

انضممت للحزب لانه اولا ليبرالى , ثانياً لان كنت اعرف اكثر من شاب به وكان لهم مجهود ظاهر على الاقل بالنسبة لى , ثالثاً لأنهم كانوا ومازالوا داعمين للبرادعى

العمل داخل الحزب شاق ومتعب على الاقل بالنسبة لشخص مثلى كنت دائما فى البيت مش بتحرك ولا حتى بروح الكلية وفجاءة بقيت كل يوم مؤتمرات واجتماعات وسفر

بس اللى بيهون كل دة الايمان بفكرة ورسالة الحزب ومن غير ما حد يتريق حب البلد

وبس خلاص مفيش كلام تانى