متوقعين اقول كلام كتير؟
اوصف واعيد فى اللى حاسس بيه؟
معنديش حاجة اقولها غير
ازمات ومشاكل وصعاب
اسيبكم مع الاغنية الروعة دى
Category : خواطر
مين فينا ملهوش اصحاب؟
انا عن نفسى ماقدرش اعيش من غير اصدقائى وبعتبرهم رقم 2 فى حياتى بعد اسرتى
اصعب احساس ممكن تحسه ان صديق ليك فى مشكلة وانت عاجز عن حلها او عاجز عن اى حاجة تعملها له
مشكلتى انى بتأثر بزيادة لدرجة رخمة وعلى رائي صديقة ليا بتأثر لدرجة انى مبعرفش افكر او اركز ازاى اساعدهم وممكن لما اتعب بسببهم ازود تعبهم اكتر
عموما انا قررت افضفض بس عشان ارتاح واعرف اعيش الفترة الجاية احسن المشاكل كتير اليومين دول وربنا يستر
اليكى
ورغم انى اشك انى ساجدك فى يوم ما
لا اعرف هل هذا تشاؤم ام ماذا
ولكن بافتراض انى ساجدك اود ان اقول بعض الامور لكى ربما هى نوع من
الفضفضة او غزل او خطاب غرامى
ايا كان اليكى كلماتى واتمنى ان تعجبك يا ملاكى
ساحاول قدر الامكان الا اكون سبب حزنك
ساحاول الا اجرح مشاعرك ابدا
ساجعلك تعيشى ملكة واكون انا الملك طبعا ههه لنعيش سويا فى مملكتنا
اشتاق اليكى من الان
بل وربما احلم بكى من الان
كل ما اريده هو سعادتك فهى تلك سعادتى
اخاف ان تكونى ممن يسمحون للغير بالتدخل فى علاقتهم صدقينى اذا صدقنا كلامهم
لن ننجح يجب ان نثق بانفسنا ونحاول ان نحل كل الامور سويا
واذا اغضبتك فى يوم واحتجتى لمن تشكى اليه
ستجدينى انا اشتكى الى منى وصدقينى لن اكون الخصم والحكم كما يقال بل
ساكون الصديق والحكم وساحكم على نفسى اشد حكم
فانا اريد ان يكون بيتنا مبنى على الحب
الحب اولا ثم اى شئ اخر ثانيا ً
ربما لن اجدك وربما ستضيع تلك الكلمات حينما القاكى ولكن اعلمى ان تلك الكلمات
ما هى الا نقطة فى بحر مما اود ان اقوله لكى
اتمنى لكى السعادة فى حياتك قبل ان القاكى اما عن سعادتك بعد ان القاكى فهذة
مهمتى
والان عندى بعض العمل الذى يجب ان انهيه
سلام يا جميلتى
مراد ادوار : 22/3/2010
كملت 19 سنة
يمكن ناس شايفانى لسة صغير
اما انا شايل هم كبير اوى وشايف نفسى كبرت ومحصلتى العلمية فى الكومبيوتر خصوصا لسة صفر على الشمال يمكن اكون بالنسبة لناس كتير محصلتش بس بالنسبة لناس تانية ﻻ اذكر اصلا
هحاول استغل دة كدافع ليا رغم ان الاحباط مسيطر عليا
حاليا طبعا انا بكلم نفسى تقريبا مفيش متابعين للمدونة بس اهو بطلع اللى جوايا
بس خلاص
انا حر ==> اذن انا مسؤل
الارادة
ما هى الارادة وكيف تكون ارادة شخص ما قوية واخرى ضعيفة واخرى معدومة
ربما الارادة هى القدر على اخذ القرار وتنفيذه فمثلا فى بعض الايام اذاكر بشكل كبير وتكون المحصلة جيدة جدا اما فى ايام اخرى اشعر بالكسل والتراخى وتفوت اسابيع وﻻ اذاكر كلمة واحدة
ربما تكون هناك عوامل نفسية هى السبب وبما ان اليوم اشعر بنفس العوامل النفسية السيئة التى تجعلنى ﻻ اقدر على المذاكرة فربما تكون الارادة هنا تعريفها انى اقرر انى ساذاكر رغم كل شئ لذا ساجعل التجربة عملية الان وساذهب لاذاكر وسنرى مدى قوة ارادتى
ملحوظة : بدءت اشك ان ليس هناك متابعين للمدونة لعدم وجود تعليقات رغم ان نسبة الزيارات فى ارتفاع مستمر
هل فعلا يضعون الامتحانات لنا وهم يضحكون تلك الضحكات الشريرة المتقطعة ( نياها ها هاها اها هاها ) هل يتنافسون على من يضع اصعب امتحان ومن الذى يتفنن فى اخراج الاسئلة من بين السطور
ام فقط نحن الذيين ظلمناهم ونلقى باللوم عليهم ونخبئ اهمالنا للدراسة بتلك الحجج
اوﻻ اغلب الطلاب بيدرس مجال ﻻ يحبه والجزء الاخر مكنش عنده حلم او مجال نفسه فيه اصلا ام النوعية النادرة اللى دخلت كلية بنفس المجال اللى كان هو حلم الطفولة اتصدموا بالواقع لأن الكلية والمناهج ليس لها علاقة بما كانوا يحلمون به بل وليس لها علاقة بالواقع العملى من الاساس
ثانياً ﻻ اعرف من الوم فانا ﻻ احب المحاسبة ابدا واعتبرها العلم الوحيد الذى ﻻ يمكننى فهمه فتقريبا انا يمكن ان اعتبر مادة تشريح جسم الانسان فى كلية الطب ومادة قانون الجنايات فى كلية الحقوق ومادة الادب العربى فى اداب لغة عربية اذا جمعنا الثلاثة مواد لادرسهم سويا سيكون اهون على من دراسة المحاسبة لذلك ﻻ اعرف من الوم انا ام المجتمع
ثالثا ﻻ اعرف العلاقة بين اوﻻ وثانيا بس اهو كله كلام لأن كل مافكر انى كان ممكن ادرس فى مجال علوم الكومبيوتر لو انا فى الخارج وفى كلية كويسة او فى مجال علوم الكومبيوتر بردو فى كلية كويسة داخل بلدى بس لو انا من الطبقة العالية شوية اتقهر ودمى يتحرق واحس بانى مقهور واكتئب لذا دعونا من كل ما سبق وندخل فى رابعاً
رابعاً كل ما قلناه لن يفيد ولن نبكى على اللبن المسكوب فدعونا نجد الحل الان فليس هناك حل اﻻ المزاكرة ثم المزاكرة ثم المزاكرة سواء تعشق المواد او بتموت فى دباديبها او ﻻ تطيق حتى اسمها فليس لك ايها الطالب المسكين اى طريق اخر لذا ابدء الان وزاكر لانك لو قلت غدا او حتى بعد ساعة فاعلم جيدا انك لن تفعل اى شئ لذا اترككم الان واذهب ازاكر يمكن ربنا يسهل وافهم حاجة من اللوغاريتمات اللى بندرسها